Áyyemgi civilizaciyalar dárbentinde jaylasqan Qaraqalpaqstan teńi-tayı joq bay mádeniy hám tábiyǵıy miyrasqa iye. Ilimpazlar ushın da, Ózbekstandaǵı hám sırt eldegi keń jámiyetshilik ushın da Qaraqalpaqstan arxeologiyasınıń erte dáwir estelikleri menen xalıq awız eki dóretiwshiligi, atqarıwshılıq óneri, dástúriy ónermentshiligi, tábiyǵıy qorıq zonaları, florası menen faunası, sonday-aq I.Savitskiy atındaǵı Qaraqalpaqstan mámleketlik kórkem óner muzeyi sıyaqlı ataqlı muzeyleri úlken qızıǵıwshılıq tuwdıradı..