Turizm jáhán ekonomikasınıń tiykarǵı tarawlarınan biri bolıp, transport, miymanxana xojalıǵı hám xızmet kórsetiw tarawlarına tásirin kórsetpekte. Dúnya júzilik turizm shólkemi (UNWTO) maǵlıwmatlarına bola, 2025-jıl jáhán turizmi ushın rekord jıl boldı: turizmniń . Dúnya júzilik jalpı ishki ónimindegi úlesi 2025-jılı shama menen 10,3%ti quradı hám xalıqaralıq turistlik sayaxatshılar sanı 1,5 milliard adamnan astı.
Qaraqalpaqstan - Oraylıq Aziyanıń bay tariyxı, mádeniyatı hám dástúrlerine iye regionı. Song’ jıllarda respublika turizm tarawın jedel rawajlandırmaqta hám 2025-jıl bul processte áhmiyetli basqısh boldı. Jıldıń tabısların bir neshe tiykarǵı baǵdarlarǵa kirgiziw múmkin. Da’slep, ekoturizm hám mádeniy miyrasqa itibar kúsheydi. Jańa turistlik baǵdarlar islep shıǵıldı, bul tek sayaxatshılardıń itibarın tartıp qoymastan, jergilikli xalıqqa óziniń dástúrleri ha’m úrp-ádetlerin kórsetiw imkaniyatın berdi. Yarmarkalar, festival hám kórgizbeler miymanlarǵa qaraqalpaqlardıń mádeniyatı, ónermentshiligi, milliy taǵamları hám folklorı menen jaqınnan tanısıw imkaniyatın berdi.. Bul jumıslardıń barlıǵı Qaraqalpaqstanǵa turistler ushın tartımlı aymaq sıpatında qızıǵıwshılıqtı arttırıwǵa xızmet etti.
Búgingi kúnde respublikamızdıń turizm bazarında túrli marshrutlar hám qızıqlı sayaxatlardı usınıs etetuǵın 78 turoperator hám 23 turagentlik tabıslı jumıs alıp barmaqta. 107 jaylastırıw ornı, sonıń ishinde, zamanagóy miymanxanalar, ıqsham xosteller hám miyman úyleri turizm infrastrukturasınıń áhmiyetli bólegi bolıp esaplanadı. Bul variantlardıń hár biri jergilikli hám sırt elli turistler ushın jıllı qabıllaw hám qolaylı dem alıwdı támiyinlewge tayar.
Bul hár qıylı usınıslar palitrasında hár kim óz talǵamına sáykes nárseni tabıwı múmkin: zamanagóy qolaylıqlarǵa iye zamanagóy miymanxanalardan baslap, ıqsham ortalıq ǵamxor úy iyelerine iye jeke menshik turaq jaylarǵa shekem. Bunday sharayatlar turistlerge qaraqalpaq miymandoslıǵınıń haqıyqıy jiliwin seziw ushın ayrıqsha imkaniyat jaratadı. Bul jaylastırıw orinlarınıń barlıǵı e-mehmon.uz sistemasında isleydi, bul bolsa bronlaw procesin ańsatlastıradı hám sayaxatshılar ushın jáne de qolaylı etedi.
2026-jıl iyun ayınan baslap Nókis qalasında bes juldızlı "RAMADA BY WYNDHAM NUKUS" miymanxanası óz jumısın baslaydı.
Bul zamanagóy miymanxana jáhán standartlarınıń barlıq talaplarına juwap beredi hám respublika miymanlarına zamanagóy turistlerdiń kútkenlerine tolıq sáykes keletuǵın teńsiz qolaylıq hám joqarı sapalı xızmetti usınadı. Miymanxana regionnıń turizm infrastrukturasına áhmiyetli qosımsha bolıp, turistlerdi jaǵımlı hám qolaylı dem alıw ushın zárúr bolǵan barlıq sha’rayatlar menen támiyinleydi.
2025-jılı Qaraqalpaqstan Respublikası 405,8 mıń sırt el turistin qabılladı, bul bolsa usı ájayıp shetki aymaqqa bolǵan qızıǵıwshılıqtıń artıp baratırǵanın kórsetedi. 1 674 mıń jergilikli turistlerdiń Ózbekstannıń basqa aymaqlarına sayaxatları shólkemlestirildi.
Xalıqaralıq baylanıslar hám turizm potencialın úgit-násiyatlaw tarawında kóplegen áhmiyetli ilajlar ámelge asırıldı. "Qıtayda Ózbekstan turizmi jılı" sheńberinde Qaraqalpaqstan Respublikası delegaciyası Gonkongta bolıp ótken "ITE Hong Kong" xalıqaralıq turistik kórgizbesi hám Shenchjen qalasında ótkerilgen roud-shouda qatnastı.
Bul ilajlar dawamında Ózbekstannıń keń turizm potencialı kórsetilip, tariyxıy hám mádeniy estelikler, milliy dástúr hám úrp-ádetlerge ayrıqsha itibar qaratıldı. Delegaciya aǵzaları Qaraqalpaqstan mádeniy miyrasınıń ózine tánligi hám onıń sırt elli turistler ushın tartımlılıǵın, bul bolsa Ózbekstan hám Qıtay arasındaǵı turizm tarawındaǵı baylanıslardı bekkemlew hám birge islesiwdi rawajlandırıwǵa xızmet etkenin atap ótti.
Qaraqalpaqstan Respublikası paytaxtımızdaǵı "Central Asian Expocenter" xalıqaralıq kórgizbeler orayında bolıp ótken "Jipek jolında turizm" 30-Tashkent xalıqaralıq turizm yarmarkasında qatnastı. Bul regionnıń turistlik potencialın kórsetiw, tájiriybe almasıw hám Ózbekstandaǵı jáne sırt eldegi turizm tarawı wákilleri menen baylanıs ornatıw ushın siyrek ushırasatuǵın platforma bolıp esaplanadı. Qaraqalpaqstan delegaciyası óziniń biybaha mádeniy hám tariyxıy dıqqatqa ılayıq orınların kórsetti, bul bolsa xalıqaralıq turistler arasında regionǵa bolǵan qızıǵıwshılıqtı arttırıwǵa xızmet etti.
Qaraqalpaqstanda Barsakelmes shorliqlari fonında "YONAR" birinshi xalıqaralıq kórkem óner festivalı bolıp ótti. Bul ilaj pútkil dúnyadaǵı dóretiwshiler hám ilham izlewshilerdi birlestirdi. Festival haqıyqıy kórkem óner, mádeniyat, innovaciya hám dóretiwshilik bayramına aylandı.
Qaraqalpaqstannıń Ellikqala rayonında "Sahra hawazı" III xalıqaralıq festivalı bolıp ótti. Topıraqqala tariyxıy obektinde bolıp ótken bul jarqın ilaj haqıyqıy mádeniyat hám kórkem óner bayramına aylandı.
Qaraqalpaqstannıń Moynaq rayonında Ústirt platosı keńlikleri hám Aral teńiziniń qurıǵan tu’binde altınshı "Ralli Moynaq" xalıqaralıq jarısı bolıp ótti. Jarıs qatnasıwshıları sport avtomobilleri, baggi hám motocikllerde ekstremal aydaw sheberliklerin kórsetti. Ilaj dawamında jurnalistler ushın press-turlar shólkemlestirilip, ǵalaba xabar qurallarında jedel sáwlelendiriliwine xızmet etti. Jarıs tek ǵana shabandozlardıń sheberligin kórsetip qoymastan, al regionnıń tákirarlanbas tábiyıy landshaftlarına da itibar qarattı.
Hár jılı ótkeriletuǵın "STIXIYA" festivalı Moynaq rayonına 5000 nan aslam jergilikli hám sırt el miymanların jıynaǵan haqıyqıy mádeniy ilajǵa aylandı.
Bul jarqın ilaj tek ǵana dóretiwshilik ózin-ózi kórsetiw ushın platforma jaratıp qoymastan, al dúnya jámiyetshiliginiń itibarın Aralboyınıń áhmiyetli mashqalalarına qaratıwdıń kúshli quralına aylandı.
2025-jıldaǵı tabıslar 2026-jıl ushın jarqın perspektivalardı ashıp, isenim menen alǵa alǵa ilgerilewimiz ushın bekkem tiykar boldı. Ishki turizmdi jedel rawajlandırıwǵa ayrıqsha itibar qaratılıp, respublika xalqı ushın óz mámleketiniń gózzal orınların ashıw imkaniyatı jaratıladı.
Qaraqalpaqstan turizm tarawın rawajlandırıwda jańa basqıshqa qádem qoymaqta. Óziniń mádeniy dástúrleri hám tábiyıy baylıqların qásterlep saqlaǵan halda, respublika Oraylıq Aziyanıń eń tartımlı turistlik baǵdarlarınan birine aylanıw jolında isenim menen háreket etpekte, bul bolsa hár bir turistke usı ájayıp regionnıń biytákrar ortalıǵın seziniw imkaniyatın beredi.