Azatbay Otarbaev – dástúriy saz ásbapların soǵıwshı Qaraqalpaqstannıń jetekshi ustalarınıń biri, besinshi áwladtaǵı usta. A. Otarbaev 38 jıldan aslam usı ónermentshilik túri menen shuǵıllanıp kelmekte, al ol soǵatuǵın ásbaplardıń sanı tarlı, úplep shertiletuǵın hám urıp shertiletuǵın 15 túrdegi instrumentlerdi quraydı. Solardıń arasında – ǵobız, girjek, duwtar, shıńǵobız, balaman, dúdik, ǵartıq, saz sırnay, qamıs nay, quray, úshpelek, tuyaq hám t.b. Ásbaplardı soǵıwda ol aǵash, teri, qamıs, attıń quyrıǵı, baqanshaq (perlamutr), ılay hám t.b. tábiyǵıy materiallardan paydalanadı.
Onıń pútkil respublikada hám onnan tısqarıda da belgili bolǵan dástúriy saz ásbapların soǵıw ustaxanası 2012-jılı Nókiste, UNESCOnıń qollap-quwatlawı menen ashıldı.