Forumda Germaniya xalıqaralıq birge islesiw jámiyeti (GIZ) járdeminde Qaraqalpaqstan Respublikası Turizm basqarması baslıǵı basshılıǵında Qaraqalpaqstanlı isbilermenler hám turoperatorlar qatnastı. Qaraqalpaqstan delegaciyası aymaqtıń turistlik potencialı haqqında jarqın prezentaciya ótkerip, onıń baylıǵı hám sayaxat etiw imkaniyatlarınıń hár qıylılıǵın kórsetti.
Aqtaw qalasındaǵı prezentaciya Ózbekstan hám Qazaqstan arasındaǵı birge islesiwdiń jańa sheklerin ashıp, birgeliktegi turizmdi rawajlandırıw jolında áhmiyetli basqısh boldı. Forum qatnasıwshıları baylanıslardı bekkemlew hám tájiriybe almasıw ushın siyrek ushırasatuǵın imkaniyatlarǵa iye boldı, bul, álbette, turizm infrastrukturasın jáne de rawajlandırıw hám Qaraqalpaqstan Respublikasına miymanlardı tartıwǵa járdem beredi.
