Moynaq rayoni, Qaraqalpag'istan Respublikasi
"Aral balıqlarınan alınǵan 99 túrli taǵam" xalıqaralıq gastronomiyalıq festivalı.
Moynaq ázelden Qaraqalpaqstannıń basqa aymaqlarınan óziniń dástúrleri, mádeniyatı, sonday-aq, úlken bólegine balıqlı taǵamlar kiretuǵın ájayıp asxanası menen ajıralıp turadı. Bir waqıtları Moynaq Aral teńiziniń balıqlarınan tayarlanǵan túrli taǵamları menen belgili bolǵan. Kóplegen siyrek ushırasatuǵın taǵamlardıń receptin tek ǵana usı kishkene balıqshılıq qalashasında tabıw múmkin edi.
Búgin Aral teńizi ketti, Moynaqtıń bay asxanası elege shekem saqlanbaqta. Házirgi kúnde de hár jılı Moynaqta ótkerilip atırǵan "Aral teńiziniń balıqlarınan alınǵan 99 túrli taǵam" gastronomiyalıq festivalı waqtında Sizde balıqlı taǵamlardıń kóplegen túrleriniń dámin tatıw imkaniyatı bar.
