Orta ásirlerge tiyisli Belewli kompleksi (XIV á.) Ústirt platosında jaylasqan. Ol kárwan saray, qoyımshılıq, karyer hám suw saqlaǵıshlardı óz ishine alatuǵın bir qatar kurılıslardan ibarat. Ústirttiń basqa da kárwan sarayları sıyaqlı, bul komplekstiń aldıńǵı tárepi Xorezmnen Tómengi Volga boylarına alıp baratuǵın jolǵa qarap turıptı.
1972-jılǵa shekemgi waqıtlarda kompleks arkasınıń timpanlarında arıslanlardıń barelyeflik súwretleri bolǵan.
Kárwan saraydıń oraylıq bóliminde sharbaq bolǵan. Kárwan saraydan arqa-shıǵısqa qaray 50 metrdey qashıqlıqta shól ósimlikleri menen qalıń qaplanǵan 8 suw saqlaǵısh tawılǵan. Olar taqırlardan suwlardıń kelip túsiwi ushın mólsherlengen qubırlarǵa iye bolǵan.
Kárwan saraydıń qasında qoyımshılıq hám hák tası qazıp alınatuǵın 5 karyer bolǵan.