Usı jıldıń 4-fevral kúni Qaraqalpaqstan Respublikası Turizm basqarmasında Qaraqalpaqstan Respublikası Ministrler Keńesi Baslıǵınıń orınbasarı R.Zarikeev, Turizm basqarması baslıǵı B.Kusekeev, sonday-aq, Bas prokuratura janındaǵı Ekonomikalıq jınayatlarǵa qarsı gúresiw departamenti, Salıq basqarması juwapker xızmetkerleriniń qatnasıwında Respublikamızda turizm tarawında jumıs alıp barıp atırǵan isbilermenler menen ushırasıw bolıp ótti.
Ushırasıw dawamında turizm tarawında salıq sistemasında jańalıqlar hám ózgerisler, turizm tarawında salıq jeńillikleri, tarawda jasırın ekonomika úlesin azaytıw boyınsha túsinikler berildi. Sonday-aq, isbilermenler tárepinen berilgen usınıslar hám mashqalalı máseleler dodalandı.