Bul joybar eki mámlekettiń tariyxıy hám mádeniy miyrasın birlestiretuǵın birden-bir turistlik jónelisti islep shıǵıw boyınsha strategiyalıq birge islesiwge qaratılǵan. Tiykarǵı maqset Oraylıq Evropa bazarına mólsherlengen birgeliktegi turistlik marshrutın jaratıw arqalı Jipek jolınıń Baku, Shemaxa, Sheki, Xiywa, Buxara hám Samarqand sıyaqlı áhmiyetli tariyxıy orınların anıqlaw hám úgit-násiyatlaw bolıp esaplanadı. Ázerbayjan hám Ózbekstannıń turistlik resursları Evropada birgelikte úgit-násiyatlaw ushın "Joint Silk Road Highlights Tour" birden-bir joybarına birlestiriledi.
Ózbekstan hám Ázerbayjan turoperatorları ushın eki vebinar shólkemlestiriledi, onda turizm tarawı wákilleri hár bir qatnasıwshı mámlekettiń joybarı hám turistlik ónimleri menen tanısıw imkaniyatına iye boladı.
- 28-avgust - Ózbekstanlı turoperatorlar ushın Ázerbayjanǵa baǵıshlanǵan vebinar;
- 5-sentyabr - Ázerbayjanlı turoperatorlar ushın Ózbekstanǵa baǵıshlanǵan vebinar.
Bul joybar sheńberinde usı jıldıń oktyabr ayında (sáneler tastıyıqlanbaqta) Frankfurt (Germaniya), Vena (Avstriya), Syurix (Shveycariya), Budapesht (Vengriya), Praga (Chexiya) hám Barselona (Ispaniya) sıyaqlı qalalarda road-shou ótkeriliwi de rejelestirilgen.
Usı múnásibet penen, mápdar turistlik kompaniyalar hám shólkemlerdi usı ilajlarda qatnasıwǵa mirát etemiz. Qosımsha maǵlıwmatlar ushın (+998 78) 129-09-90 telefon nomerine qońıraw etiwińiz yamasa foreignprojects@nationalprcentre.com elektron pochtası arqalı baylanısıwıńız múmkin.
Sonday-aq, tómendegi kriteriyalarǵa sáykes keletuǵın qatnasıwshılar ústinlikke iye bolıwına itibarıńızdı qaratpaqshımız:
- Turizm tarawında keminde 5 jıllıq jumıs tájiriybesi.
- Kásiplik dáreje: shólkemde qarar qabıl etiw wákilligine iye bolgan lawazımlı shaxs.
- Arnawlı bilimler:
Jipek jolı, ásirese Ázerbayjan hám Ózbekstan boyınsha tereń bilimlerge iye bolıw, bul ótmishtegi joybarlar, sayaxatlar yamasa usı baǵdarlarǵa qaratılǵan baslamalar menen tastıyıqlanıwı kerek.
- Evropa bazarı menen islesiw tájiriybesi: bazardıń ózine tán tendenciyaların, joybar mólsherlengen turistlerdiń talapların tereń túsiniw.