Qaraqalpaq otawı Ginnestiń rekordlar kitabına kirgizildi
Nókis qalasındaǵı "Aq quw" kompleksinde qurılǵan otaw eń úlken diametri 40,5 metr bolǵan qaraqalpaq milliy otawı sıpatında Ginnestiń rekordlar kitabına kirgizildi.
22-avgust kúni sertifikattı tapsırıwǵa baǵıshlanǵan saltanatlı máresim boldı. Ilajda Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ózbekstan Respublikası Prezidentiniń keńesgóyi Tursınxan Xudaybergenov, mámleketlik mákemelerdiń basshıları, jaslar hám ǵalaba xabar qurallarınıń wákilleri qatnastı.
