"Arabian Travel Market 2026" usı jıldıń 4-7-may kúnleri BAÁniń Dubay qalasındaǵı "Dubai World Trade Centre"da ótkeriletuǵın turizm hám sayaxat tarawındaǵı eń iri xalıqaralıq kórgizbelerden biri bolıp esaplanadı. Bul ilaj turoperatorlar, aviakompaniyalar, miymanxanalar, turistlik baǵdarlar hám tarawdıń basqa da qatnasıwshıların bir jerge toplap, sóylesiwler alıp barıw hám isbilermenlik baylanısların ornatıw imkaniyatın beretuǵın jetekshi global B2B turizm forumı bolıp esaplanadı.
Kórgizbe qatnasıwshılarına mámleket yamasa kompaniyanı xalıqaralıq auditoriyaǵa tanıstırıw, isbilermenlik baylanısların ornatıw hám B2B ushırasıwların ótkeriw, sonday-aq, turizm bazarındaǵı tendenciyalar, texnologiyalar hám innovaciyalardı úyreniw sıyaqlı imkaniyatlardı beredi.
Tiykarǵı tema - "Travel 2040: turizmde innovaciyalar hám texnologiyalar." Kórgizbe sheńberinde turizm tarawı ushın eń zamanagóy texnologiyalarǵa baǵıshlanǵan arnawlı ATM Travel Tech aymaǵı shólkemlestiriledi. Bunnan tısqarı, MICE, lyuks-turizm hám turaqlı rawajlanıw boyınsha qánigelestirilgen baǵdarlamalar, baspasóz ilajları hám túrli sessiyalar da usınıs etiledi.
Qosımsha maǵlıwmatlar ushın fair@nationalprcentre.com elektron mánzili yamasa +998781290990 telefon nomerleri arqalı baylanısıwıńız múmkin.
Sáne: 2026-jıl 4-7-may
Arza tapsırıwdıń sońǵı múddeti: 2026-jıl 15-mart
Derek: https://www.wtm.com/atm/en-gb.html