Abıraylı xalıqaralıq basılım The Washington Post óz maqalasında Ózbekstandı 2026-jıldıń perspektivalı turistlik baǵdarları qatarına kirgizdi. Basılımnıń atap ótiwinshe, mámleket óziniń bay tariyxı, biytákirar mádeniyatı hám tınısh ortalıǵı menen miymanlardı ózine tartpaqta, bul bolsa sayaxatshılardıń jańa tásirler alıwına imkaniyat jaratadı.
The Washington Post basılımınıń atap ótiwinshe, Ózbekstan túrli sayaxat baǵdarları, eski qalalar hám estelikler, sonday-aq, sulıw tábiyat kórinislerin usınıs etip, ózine tán sayaxat tájiriybesin jaratpaqta. Mámleket tez pát penen rawajlanıp atırǵan turistlik infrastrukturası hám ápiwayılastırılǵan viza tártibi menen Ullı Jipek jolındaǵı tiykarǵı mánzillerden biri sıpatında ajıralıp turadı.
Abıraylı ǵalaba xabar quralındaǵı bul basılım Ózbekstannıń dúnya turistlik kartasındaǵı ornı barǵan sayın bekkemlenip atırǵanın atap ótip, mámlekettiń pútkil dúnyadan kelgen turistler ushın zamanagóy, miymandos hám qızıqlı mánzilge aylanıp atırǵanın kórsetpekte.