Evropanıń "Travel Tomorrow" turistlik portalı jurnalist Antonio Buskardini tárepinen jazılǵan, Ózbekstan turizm tarawınıń jedel rawajlanıwı hám mámlekettiń 2030-jılǵa shekem 20 million sırt el turistin tartıw strategiyalıq maqsetine baǵıshlanǵan maqaladı járiyaladı.
Avtordıń atap ótiwinshe, turizm tarawında Ózbekstanǵa bolǵan qızıǵıwshılıq turaqlı túrde artıp barmaqta. Rekord dárejedegi sapar etiw kórsetkishleri, infrastrukturanıń jedel rawajlanıwı, miymanxana fondınıń keńeyiwi jáne ekoturizm hám gastronomiyalıq baǵdarlar sıyaqlı dem alıwdıń jańa túrleriniń ǵalabalasıwı ayrıqsha atap ótiledi. Bunday kóp qırlı qatnas Ózbekstandı barǵan sayın tartımlı hám básekige shıdamlı turistlik baǵdarǵa aylandırmaqta.Maqalada Ózbekstan turizm tarawı qanshelli tez pátlerde rawajlanıp atırǵanı tolıq sáwlelendiriledi.
Atap aytqanda, UN Tourism maǵlıwmatlarına súyenip, 2025-jılı Ózbekstan dúnyadaǵı eń tez rawajlanıp atırǵan TOP-7 turizm baǵdarlarınan biri sıpatında atap ótilgen.
Basılımnıń jazıwınsha, keliwshiler sanınıń tez ósiwi hám turistlik xızmetler kóleminiń keńeyiwi Ózbekstandı xalıqaralıq turizm kartasında jáne de kózge kórinerli etpekte hám taraw qánigeleri jáne dúnyanıń túrli múyeshlerinen kelip atırǵan turistlerdiń itibarın tartpaqta.
"Travel Tomorrow" basılımındaǵı bul maqala Ózbekstannıń turizmdi rawajlandırıw baǵdarındaǵı jetiskenliklerin tastıyıqlaydı hám xalıqaralıq auditoriya itibarın tartadı. Xalıqaralıq ǵalaba xabar qurallarınıń unamlı itibarı mámlekettiń tanıytuǵın turistlik kelbetin qáliplestiriwge xızmet etpekte hám onı turistler menen investorlar ushın jáne de tartımlı etpekte.