Yozgi mavsumda ko‘plab fuqarolarimizning xorijiy mamlakatlarga sayohatga chiqishini kuzatish mumkin.
Mavsum davrida ko‘plab turoperator va turagentlar tomonidan xorijiy mamlakatlarga chiqish uchun turistlarning manfaatlariga zid shartnomalar taqdim etilishi yoki shartnoma taqdim qilmasdan xizmat ko‘rsatish holatlari ham uchrab turadi.
Turizm qo‘mitasi tomonidan xorijga turoperator va turagentlar xizmatidan foydalangan holda sayohat uchun chiqmoqchi bo‘lgan yurtdoshlarimizga quyidagi tavsiyalar beriladi:
- turoperator yoki turagentning litsenziyasi borligini bilish uchun https://license.gov.uz dasturi orqali STIR raqami bilan mustaqil tekshirish;
- ko‘rsatiladigan xizmatlar (tur) uchun to‘lovni amalga oshirish maqsadida shartnoma talab qilish;
- shartnoma shartlari bilan to‘liq tanishib chiqish;
- shartnomada kelishilgan turistik xizmatlarning barchasini taqdim qilinishi yuzasidan majburiyatlarning aniq keltirilishiga e’tibor qaratish;
- shartnomada turist tomonidan ma’lum va noma’lum sabablarga ko‘ra sayohat (tur) bekor qilinganda to‘langan mablag‘larni qaytarilishi hamda jarima summalari bilan tanishish;
- to‘lovni naqd ko‘rinishida to‘lamaslik, shartnomaga ko‘ra, bank yoki bank kartalari orqali to‘lash va bu uchun chek talab qilish;
- sayohat (tur) tarkibiga kiruvchi xizmatlar ko‘rsatilgan turistik vaucher talab qilish;
- turoperator yoki turagentning litsenziya talablari doirasida sug‘urtasini hamda sayohat uchun sug‘urtani talab qilish;
- turoperator yoki turagentdan sayohatga boriladigan chet davlatlarga kirish, chiqish va ularda bo‘lishning o‘ziga xos xususiyatlari to‘g‘risidagi axborotni so‘rab olish.