Bul tańlawdı ótkeriwden tiykarǵı maqset Ózbekstannıń, atap aytqanda, aymaqlardıń turistlik potencialın, mádeniy miyrasın úgit-násiyatlaw hám Mádeniy-kewilashar hám ǵalabalıq sport ilajlarınıń birden-bir kalendarına kirgiziw maqsetinde turizm tarawın rawajlandırıw, aymaqlardıń tariyxıy hám zamanagóy turizm potencialın ashıp beriw jáne dóretiwshilik hám innovaciyalıq qatnaslardı xoshametlewden ibarat.
Tańlawdıń sıylıq qorı tómendegishe belgilengen:
- wálayat basqıshı jeńimpazları (hár bir aymaqtan 1 jeńimpaz) ushın 50 million sumnan;
- respublikalıq basqısh jeńimpazı (bir adam) ushın 100 million sum sıylıq pulı beriledi.
Esletpe: Bul summalar Ózbekstan Respublikası Salıq kodeksiniń 377-statyasına muwapıq dáramat sıpatında qaraladı hám barlıq zárúr salıqlar (sonıń ishinde, fizikalıq táreplerdiń dáramat salıǵı) uslap qalınǵan halda tólenedi.
Tańlawǵa qabıl etiletuǵın joybarǵa qoyılatuǵın ulıwma talaplar:
Qatnasıwshılar tańlawda individual túrde qatnasadı. Tańlawda qatnasıw ushın qatnasıwshı tómendegi hújjetlerdi usınadı:
- Rejeniń 2-qosımshasına muwapıq arza (ARZA ÚLGISI);
- joybardıń finanslıq tiykarların óz ishine alǵan qısqasha koncepciyası;
- joybar prezentaciyası (PPT formatında).
Tańlaw qatnasıwshıları tárepinen tayarlanǵan aymaqlardıń potencialın ashıp beretuǵın festival hám ilajlardı rawajlandırıw joybarı barlıq qosımsha hújjetler menen birge PDF formatında, qol qoyılǵan halda tek ǵana tanlov@nationalprcentre.com elektron mánziline jiberiledi.
Tańlaw boyınsha arzalar 2025-jıl 10-avgusttan 25-avgustqa shekem qabıl etiledi.
Tańlaw nátiyjeleri Turizm komiteti hám tańlaw shólkemlestiriwshisiniń www.uzbektourism.uz, www.uzbekistan.travel veb-portalları hám olardıń Telegram, Instagram, Facebook sociallıq tarmaqlarında járiyalanadı.
Texnikalıq talaplar hám detallar menen tómendegi siltemede keltirilgen Reje arqalı tanısıwıńız múmkin: NIZOM.pdf
Qosımsha maǵlıwmat ushın dúyshembiden jumaǵa shekem saat 9:00 den 18:00 ge shekem +998 (78) 129 09 90 nomerine qońıraw etiń yamasa Telegramdaǵı @uzbtravelsupport akkauntına soraw jiberiń.