2025-jıldıń may ayında Ózbekstanǵa 1,1 millionǵa shamalas sırt el turistleri keldi. Bul kórsetkish ótken aydaǵı rekordtı jańaladı - sonda turistlerdiń sanı birinshi márte millionnan asqan edi. Bunday ósiwge turizm tarawında ámelge asırılıp atırǵan reformalar sebepli erisilmekte. Mámleket jáne de ashıq bolıp, basqa mámleketler menen jedel birge islespekte.
Ózbekstan Respublikası Prezidentiniń turizmdi rawajlandırıwǵa qaratılǵan Párman hám qararlarındaǵı tarawǵa investiciyalardı tartıw, vizasız rejimdi keńeytiw hám xalıqaralıq kórgizbeler menen forumlarda qatnasıw sıyaqlı baǵdarlar áhmiyetli rol atqarmaqta. Bulardıń barlıǵı Ózbekstandı sırt elli turistler ushın barǵan sayın tartımlı mámleketke aylandırmaqta.
Keleshekte turizm infrastrukturasın bunnan bılay da jetilistiriw, xızmetlerdiń sapasın arttırıw hám diversifikaciyalaw, jáhán turistlik bazarında Ózbekstannıń tákirarlanbas hám básekige shıdamlı baǵdar sıpatındaǵı abırayın bekkemlew jumıslarınıń dawam ettiriliwi rejelestirilgen.