Jazǵı máwsimde kóplegen puqaralarımızdıń sırt ellerge sayaxatqa shıǵıwın baqlaw múmkin.
Máwsim dawamında kóplegen turoperator hám turagentler tárepinen shet ellerge shıǵıw ushın turistlerdiń máplerine qayshı keletuǵın shártnamalar usınıw yamasa shártnama usınbay xızmet kórsetiw jaǵdayları da ushırasıp turadı.
Turizm komiteti tárepinen sırt elge turoperator hám turagentler xızmetinen paydalanǵan halda sayaxat etiw ushın shıqpaqshı bolǵan watanlaslarımızǵa tómendegi usınıslar beriledi:
- turoperator yamasa turagenttiń licenziyası bar ekenligin biliw ushın https://license.gov.uz programması arqalı INN nomeri menen óz betinshe tekseriw;
- kórsetilgen xızmetler (tur) ushın tólemdi ámelge asırıw maqsetinde shártnama talap etiw;
- shártnama shártleri menen tolıq tanısıp shıǵıw;
- shártnamada kelisilgen barlıq turistlik xızmetlerdiń kórsetiliwi boyınsha minnetlemelerdiń anıq keltiriliwine itibar qaratıw;
- shártnamada turist tárepinen belgili hám belgisiz sebeplerge bola sayaxat (tur) biykar etilgende tólengen qarjılardıń qaytarılıwı hám járiyma summaları menen tanısıw;
- tólemdi naq túrinde tólemew, shártnamaǵa bola, bank yamasa bank kartaları arqalı tólew hám bunıń ushın chek talap etiw;
- sayaxat (tur) quramına kiriwshi xızmetler kórsetilgen turistlik vaucherdi talap etiw;
- turoperator yamasa turagenttiń licenziya talapları sheńberinde qamsızlandırıwın hám de sayaxat ushın qamsızlandırıwdı talap etiw;
- sayaxat etiletuǵın sırt mámleketlerge kiriw, shıǵıw hám olarda bolıwdıń ózine tán ózgeshelikleri haqqındaǵı málimlemeni turoperator yamasa turagentten sorap alıw.