Usı jıldıń 20-sentyabr kúni Ekologiya, qorshaǵan ortalıqtı qorǵaw hám ıqlım ózgeriwi ministrligi tárepinen respublikamızdıń barlıq aymaqlarında "World cleanup day" (Pútkil jer júzilik tazalıq kúni) múnásibeti menen "Turmıs ushın orın ajıratın!" ǵalaba plogging eko-akciyası shólkemlestiriledi.
Akciya 20-sentyabr kúni "World cleanup day" ("Pútkil jer júzilik tazalıq kúni") múnásibeti menen "Bir Watanda, bir maqsette - xalıqaralıq shıǵındısız dúnya ushın!" súreni astında shólkemlestiriledi hám jámiyetshilik, ǵalaba xabar quralları, mámleketlik uyımlar hám isbilermenlik subektlerin qorshaǵan ortalıqtı shıǵındılardan tazalaw maqsetinde birlestiriwge qaratılǵan.
Bársheńizdi bul eko-akciyada belsene qatnasıwǵa shaqıramız! Qatarımızǵa qosılıń, akciyada belsene qatnasıń hám qorshaǵan ortalıqtı taza saqlawǵa óz úlesińizdi qosıń.
Eko-akciya respublikamız boylap tómendegi aymaqlarda ótkeriledi:
• Ekologiya, qorshaǵan ortalıqtı qorǵaw hám ıqlım ózgeriwi ministrligi - Bostanlıq rayonı, Ǵazalkent MPJ, Ámirsay aymaǵı;
• Tashkent wálayatı - Piskent rayonı "Jańa turmıs" MPJ;
• Tashkent qalası - Yakkasaray rayonı, Sharshara kóshesi;
• Sırdárya wálayatı - Gúlistan qalası, "Jańa turmıs" MPJ;
• Jizzaq wálayatı - Mirzashól rayonı, Ǵalaba MPJ, Paxtakor kóshesi;
• Samarqand wálayatı - Samarqand qalası, Mustaqillik kóshesi;
• Nawayı wálayatı - Nawayı qalası, "Kimyogar" MFY;
• Buxara wálayatı - Buxara qalası, "Samanılar" dem alıw baǵı;
• Surxandárya wálayatı - Termiz qalası, Gúlistan MPJ;
• Xorezm wálayatı - Úrgensh qalası, Jaslar kóli;
• Qashqadárya wálayatı - Qarshı qalası, "Áliysher Nawayı" atındaǵı dem alıw baǵı;
• Ándijan wálayatı - Ándijan rayonı, Z.M.Bobur baǵı;
• Namangan wálayatı - Davlatabad rayonı, I.Karimov kóshesi Kamolot baǵı;
• Ferǵana wálayatı - Ferǵana qalası, Oraylıq dem alıw baǵı;
• Qaraqalpaqstan Respublikası - Nókis qalası, "Aq Jaǵıs" hám "Ámiwdárya" MPJ.
Derek: https://gov.uz/oz/eco/news/view/22034
