Ózbekstan delegatsiyası Moskvadaǵı "Отдых. Leisure-2024" forum-kórgizbesinde qatnaspaqta

Usı jıldıń 17-19-sentyabr kúnleri Moskvada "Отдых. Leisure-2024" forum-kórgizbesi bolıp ótpekte. Ózbekstan delegatsiyası Moskvadaǵı iri "Expocentre" oraylıq kórgizbeler kompleksinde mámleketimizdiń milliy stendi kórsetilmekte.

Maǵlıwmat ushın: "Отдых. Leisure-2024" - bul 30 jıl dawamında Rossiyada gúzgi-qısqı turizm máwsimi aldınan usınday kólemdegi birden-bir isbilermenlik ilajı bolıp esaplanadı. Forum-kórgizbede ministrler biznes wákilleri menen rejeler boyınsha kelisimlerdi ámelge asıratuǵın, pútkil dúnya boylap turistlik jámáátler óz-ara baylanıslar ornatatuǵın jáne turizm tarawınıń eń jaqsı qánigeleri hám ekspertleri ashılıwlar islew hám de biznesti  júrgiziwge qolay orın bolıp esaplanadı.

Forum-kórgizbede Ózbekstan delegatsiyasınıń qatnasıwı Ózbekstannıń Rossiya Federatsiyasındaǵı elshixanası járdeminde shólkemlestirilmekte.

Milliy stendimiz kórgizbesi prenzentaciyası boyınsha delegatsiya quramında, sonday-aq, "Uzbekistan Airways" AJ, Ózbekstannıń "Central Asia Travel," "Dolores Travel" sıyaqlı jergilikli turistlik kompaniyaları hám basqalar da bar. Olar ǵalabalıq baǵdarlar boyınsha eń jaqsı usınıslardı ilgeri súredi hám tájiriybe hám pikirler almasıw arqalı, turizmdi onıń barlıq segmentlerinde rawajlandırıw boyınsha strategiyalar menen baǵdarlamalardı dodalaydı.

"Otdıx. Leisure-2024" forum-kórgizbesi sheńberinde Ózbekstan Turizm komitetiniń wákilleri "Zamanagóy Ózbekstan - Áyyemgi Shıǵıs dúrdanası" atamasında mámleketimizdiń turizm potencialına baǵıshlanǵan prezentaciya menen qatnasadı.

Xalıqaralıq forum hám kórgizbe sheńberinde Ózbekstan delegaciyası wákilleri ilaj qatnasıwshıları hám isbilermenlerdi usı jıldıń noyabr ayında Tashkent qalasında bolıp ótetuǵın TXTYa-2024 Tashkent xalıqaralıq turizm yarmarkasında qatnasıw ushın jaratılǵan sharayatlar menen tanıstırıwdı rejelestirgen.

Mámleketimizdiń bul forum-kórgizbedegi qatnasıwı rossiyalılar hám sırt elli miymanlar ushın Ózbekstannıń mádeniy miyrası menen tanısıw, mámlekettiń bay tariyxı, kórkem óneri, aspazlıq óneri hám miymandoslıǵın tereńirek túsiniw hám bahalaw ushın biybaha imkaniyat jaratatuǵının atap ótiw orınlı.