Xalıqaralıq turizm kúnin belgilew sheńberinde "Ózbekstan boylap sayaxat et!" súreni astında shólkemlestirilip atırģan "Welcome to Karakalpakstan" turistlik yarmarkası 27-sentyabr kúni Ellikqala rayonındaģı Aqshakól kólindegi dem alıw orayında bolıp ótedi.
Ilaj sheńberinde Qaraqalpaqstan mámleketlik muzeyleriniń kórkem óner buyımlarınıń kóshpeli kórgizbeleri bolıp ótedi. Jergilikli ónermentlerdiń ónimleri kórgizbesinde miymanlar toqımashılıq, gulalshılıq, zergerlik buyımları hám basqa da ózine tán qol miyneti ónimlerin satıp alıwı múmkin.
Milliy qosıqlar atqarıwshılarınıń koncertleri hám xalıq seyilleri bayram mádeniy-kewil ashar baǵdarlamasınıń bir bólegi boladı.