Sayahat - bul mojize. Sharayattıń ózgeriwi sezimlerdi oyatadı, mashqalalardan shette qalıwǵa, qáweterli yamasa túskin jaǵdaydan shıǵıwǵa, ilhamlanıwǵa járdem beredi. Úyde turıp usınday emocional zaryadqa iye bolıw kóbinese múmkin emes. Sayaxatlar pútkilley jańa nárselerdi úyreniw imkaniyatın beredi. Tábiyat hám arxitekturanıń gózzallıqların kóriw múmkin, olar siz úyrengen nárselerden sonshelli ayrıqsha bolıp, sizdi biypárwa qaldırmaydı. Siz basqa mádeniyattaǵı adamlardıń úrp-ádetlerin jaqsıraq bilip alasız, dúnyanıń hár qıylı xalıqlarınıń aspazlıqlarınan tatib kóriwińiz múmkin. Kóbinese sayaxatlar jańa tanısıwlar bolıp esaplanadı. Nátiyjede siz jańa doslar yaki ápiwayı jaǵımlı sáwbetlesiwshiler tabıwıńız múmkin, olardın tariyxları siz benen bir ómirge bolmasa da, uzaq jıllar dawamında saqlanadı.
Ózbekstan Respublikası Prezidentiniń 09.02.2024-jıldaǵı qararın ámelge asırıw ushın. "Qaraqalpaqstan Respublikasın kompleksli sociallıq-ekonomikalıq rawajlandırıw hám xalıqtıń bántligin támiyinlew boyınsha qosımsha ilajlar haqqında"ǵı PQ-66-sanlı qararına muwapıq, respublikamızǵa turistlerdiń aǵımın jáne de kóbeytiw ushın qolaylı sharayatlar jaratıldı.
2024-jıl 3-iyunnen "Uzbekistan Airways" milliy aviakompaniyası Nókis-Istanbul-Nókis jónelisinde tikkeley aviaqatnawlardı jolǵa qoydı. Jańa baǵdardaǵı aviaqatnawlar Nókis xalıqaralıq aeroportınan Airbus A320 Neo samolyotlarında háptesine bir márte - dushembi kúnleri ámelge asırıladı.
2024-jıl 1-iyunnen baslap hár sarshembi hám shembi kúnleri Nókis - Almata - Nókis jónelisinde aviaqatnawlar ámelge asırıladı. Aviabiletlerdi eń jaqsı aviakompaniyalardan biri, maksimal qolaylı párwaz sharayatları hám qolaylı bahalarda www.uzairways.com veb-saytı hám aeroporttaǵı arnawlı toqtaw orınlarında satıp alıw múmkin.
Ekoturizmniń barlıq ıqlasbentleri hám Aral teńizin óz kózi menen kóriw tileginde bolǵanlar ushın 2024-jıl 1-aprelden baslap Qaraqalpaqstan Respublikası boylap ishki reysler ushın mólsherlengen L-410 markalı samolyotında ekshembi, juma hám ekshembi kúnleri Nókis-Moynaq-Nókis jónelisinde aviaqatnawlar ámelge asırıladı. Reysler kestesi menen tanısıw hám aviabiletlerdi aviakompaniyanıń silk-avia.com saytı, Silk Avia qosımshasında, Ózbekstannıń barlıq xalıqaralıq aeroportlarında, sonday-aq, Uzbekistan Airways Sales filialında satıp alıw múmkin.
"Uzbekistan Airways" aviakompaniyasınıń hawa kemelerindegi sayaxatlar joqarı xızmet kórsetiw sapası hám qolaylılıǵı menen ajıralıp turadı, "Uzbekistan Airways Technics" kompaniyasınıń óz texnikalıq bazası sebepli aviakompaniyanıń hár bir samolyotı joqarı qáwipsizlik dárejesin támiyinleydi. "Uzbekistan Airways" aviakompaniyasınıń jańa párwazları sapar etiwdi tek ǵana tez emes, al kewilli de etedi.
Dúnyamızda hám kúndelikli turmıstıń kózqarasın joǵaltpaw ushın bizlerge jarqın tásirler hám sezimler júdá zárúr. Sonıń ushın, sayaxat etiwdi keshiktirmeń - bul haqıyqattan da múnásip!