Ózbekstan 121 mámleketti óz ishine alǵan "Safety Perception Index 2023" - dúnyanıń eń qáwipsiz mámleketleri reytinginde 1-orındı iyeledi.
Derekte, Ózbekstan puqaralar ómiri hám sayaxat etiwi ushın qáwip dárejesi minimal ekenligi aytılǵan.
Sonday-aq, eń qáwipsiz mámleketler joqarı besliginen Birlesken Arab Ámirlikleri, Saudiya Arabstanı, Norvegiya hám Estoniya orın alǵan.
Oraylıq Aziya mámleketlerinen Qazaqstan 14-, Tájikstan 17-, Qırǵızstan 26-orınlardı bánt etken.
Reytingtiń eń tómengi bólegin Gvineya, Serra-Leone hám Mali mámleketleri iyelegen.
"Safety Perception Index" bes faktorǵa itibar qaratadı: azıq-awqat hám suw, zorlıq jınayatları, qolaysız hawa-rayı shárayatı, aqılıy salamatlıq hám miynet mákemelerindegi qáwipsizlik.
Bul faktorlar mámleketlerdiń qáwipsizlik reytingi ushın tiykar bolatuǵın obrazdı islep shıǵıwda ulken áhmiyetke iye.
Ózbekstannıń bul reytingte birinshi orında bolıwı sırt elli turistlerdiń elimizge biymálel keliwi ushın tiykar jaratadı.