14-sentabr kuni Qoraqalpog‘istonda 2 million yildan ortiq yoshga ega bo‘lgan Barsakelmes ko‘lining ilgari tashrif buyurib bo‘lmaydigan oppoq tubida "Barsakelmes" xalqaro ekomarafoni start oladi.
Marafonda 20 mamlakatdan 500 ga yaqin ishtirokchi qatnashadi. Ular orasida professional sportchilar bilan bir qatorda diplomatik korpus vakillari, xalqaro tashkilotlar a’zolari va ekologik faollar ham bor. Tadbirning maqsadi Orol mintaqasining ekologik muammolariga va suv resurslaridan oqilona foydalanishga xalqaro e’tiborni jalb etishdan iborat.
Ikki kunlik tadbir dasturiga o‘tov lagerida tunash, musiqa dasturi, etno-tomosha, Borsakelmas sho‘rxoki bo‘ylab sayohat, 42 kilometrlik marafon, 21 kilometrlik yarim marafon hamda 5 va 10 kilometrlik masofaga yugurish musobaqalari kiritilgan.