14-sentyabr kúni Qaraqalpaqstanda 2 million jıldan artıq jasqa iye Barsakelmes kóliniń aldın barıp bolmaytuǵın, appaq túbinen "Barsakelmes" xalıqaralıq ekomarafonı start aladı.
Marafonda 20 mámleketten 500 ge jaqın qatnasıwshı keledi. Olar arasında professional sportshılar menen birge diplomatiyalıq korpus, xalıqaralıq shólkemlerdiń wákilleri hám dе ekologiya belsendileri dе bar. Ilajdıń maqseti Aral aymaǵınıń ekologiyalıq mashqalalarına hám suw resurslarınan aqılǵa uǵras paydalanıwǵa xalıqaralıq jamiyetshiliktiń itibarın qaratıwdan ibarat.
Eki kún dawam etetuǵın ilaj baǵdarlamasına otaw lagerlerinde túnew, muzıkalıq baǵdarlama, etno-show, Barsakelmes shorlıǵı boylap ekskursiya, 42 km aralıqqa marafon, 21 km aralıqqa yarım marafon hám 5 hám 10 km aralıqqa juwırıw jarısları ótkeriledi.