|
Sırt mámleketlerden alıp kelingen turist ushın xoshametlewshi subsidiyalar beriw TÁRTIBI tastıyıqlandı Turoperatorlar tárepinen turistlik aǵımı tómen bolǵan sırt ellerden alıp kelingen hár bir turist ushın xoshametlewshi subsidiyalar beriw TÁRTIBI tastıyıqlandı.Tańlawdıń maqseti - Turoperatorlardı qollap-quwatlaw hám olardı Ózbekstan Respublikasına turistlerdi tartıw qárejetleriniń bir bólegin qaplaw arqalı xoshametlewden ibarat. Turistlik ónimlerdi qáliplestiriw, alǵa qoyıw hám realizaciyalaw boyınsha turistlik jumıs penen shuǵıllanatuǵın yuridikalıq tárep - Ózbekstan Respublikasınıń rezidentlerine 2024-jıl 1-yanvardan baslap 2026-jıl 31-dekabrge shekem ajıratıladı.Sıylıqlaw subsidiyaları tańlaw tiykarında tańlap alınǵan turoperatorlarǵa eki tárepleme qol qoyılǵan shártnamaǵa tiykarlanıp ajıratıladı. Tańlaw Ózbekstan Respublikası Ekologiya, qorshaǵan ortalıqtı qorǵaw hám klimat ózgeriwi ministrligi (keyingi orınlarda - Ministrlik) janındaǵı Turizm komiteti (keyingi orınlarda - Komitet) tárepinen shólkemlestiriledi hám ótkeriledi. Reje hám tańlawdı shólkemlestiriwge baylanıslı hújjetler tiykarında tańlawdı ámelge asırıw ushın Ekologiya, qorshaǵan ortalıqtı qorǵaw hám klimat ózgeriwi ministriniń buyrıǵına muwapıq KOMISSIYA (quramı da buyrıq penen tastıyıqlanadı) dúziledi. Komissiyaǵa Ekologiya, qorshaǵan ortalıqtı qorǵaw hám klimat ózgeriwi ministri basshılıq etedi. Turistlik aǵım tómen bolǵan sırt el mámleketleriniń dizimi - komissiya tárepinen hár jıldıń juwmaǵı menen tastıyıqlanadı. Turistlik aǵım tómen bolǵan sırt el mámleketleri kesiminde hár bir turist ushın ajıratılatuǵın qarjı (hár bir turist ushın xoshametlewshi subsidiya) komissiya tárepinen belgilenedi. Komissiya qararı komissiya quramınıń keminde úshten eki bólegi qatnasqanda haqıyqıy esaplanadı (Komissiya qararı kópshilik dawıs alıw jolı menen qabıl etiledi. Dawıslar teń bolǵan jaǵdayda komissiya baslıǵınıń dawısı sheshiwshi bolıp esaplanadı). Komissiya tárepinen tańlaw nátiyjeleri boyınsha tańlap alınǵan turoperatorlar menen shártnama dúziw boyınsha qarar qabıl etedi. Komissiya jumısshı uyımınıń májilis bayanlamaları hám qararların tayarlaydı. Raǵbatlandırıw subsidiya alıw ushın tańlawda qatnasıw boyınsha arza beriwshilerdiń májilislerde qatnasıwın hám prezentaciyaların shólkemlestiredi. Komitet, tańlaw ótkeriletuǵını haqqında óziniń rásmiy veb-saytı, sonday-aq, "Telegram," "Facebook" sociallıq tarmaqlarındaǵı betlerinde hám ǵalaba xabar qurallarında járiyaladı. RAǴBATLANDIRIWSHI SUBSIDIYAǴA TALABAN TUROPERATORLARǴA TÓMENDEGI TALAPLAR QOYILADI: Turizm tarawında turoperator sıpatında jeterli tájiriybege ie ekenligi; Turoperator tárepinen aldın shólkemlestirilgen joybarlar hám baǵdarlamalardıń nátiyjeliligi; Turoperatordıń Ózbekstan Respublikasına turistlerdi tartıwǵa qaratılǵan belgili bir mámlekettegi PR-kampaniya boyınsha usınılǵan marketing strategiyası hám rejeleriniń bar ekenligi; Finanslıq turaqlılıq hám turoperator jumısınıń ashıq-aydınlıǵı; Turoperatordıń wákilleri tárepinen komissiya májilisinde ámelge asırılatuǵın joybar boyınsha prezentaciya. Tańlawda qatnasıw ushın arza beriwshi - turoperator subsidiya@uzbektourism.uz elektron pochta mánzili arqalı tómendegi maǵlıwmatlardı Komitetke jiberedi. Ǵalaba xabar qurallarında tańlaw shólkemlestiriw haqqındaǵı járiya jaylastırılǵannan keyin 1 ay dawamında intakerlerden hújjetler qabıl etiledi. Belgilengen múddetten kesh berilgen arzalar kórip shıǵılmaydı. Baslamashılardan hújjetlerdi qabıl etiw múddeti tamamlanǵan sáneden baslap jigirma kún dawamında tańlaw qatnasıwshılarınıń hújjetleri kórip shıǵıladı hám jeńimpazlar anıqlanadı. TAŃLAWDI EKI BASQISHTA SHÓLKEMLESTIREDI. Birinshi basqısh turoperatordıń usınılǵan joybarları on kún múddette úyreniledi hám saralanadı (Hújjet tapsırıw juwmaqlanǵannan keyin). Ekinshi basqısh birinshi basqısh juwmaqları boyınsha tańlap alınǵan turoperatorlar komissiya janında óz joybarlarınıń prezentaciyasın ótkeredi hám prezentaciya nátiyjesi boyınsha on kún múddette bahalanadı. Komissiya tárepinen tańlap alınǵan turoperatorlar haqqında qarar qabıl etiledi. Qarar protokol tiykarında rásmiylestiriledi. Tańlaw maqseti hám ólshemlerine tiykarlanıp komissiya tárepinen eń qolaylı turoperator anıqlanbaǵan jaǵdayda qayta (jańadan) tańlaw járiyalanadı. Tańlap alınǵan turoperatorlarǵa subsidiya ajıratıw boyınsha Komitet hám turoperator arasında xoshametlewshi subsidiya ajıratıw shártleri haqqında shártnama dúziledi. Raǵbatlandırıwshı subsidiya shártnamaǵa tiykarlanıp, ádette esap beriw jılınıń birinshi altı ayınıń juwmaǵı menen yamasa esap beriw ayınıń juwmaǵı menen ajıratıladı.Ekonomika hám qarjı ministrligi Komitet tárepinen usınılǵan arzanı úsh jumıs kúninde kórip shıǵadı hám subsidiya muǵdarınıń Mámleketlik byudjet esabınan tólenetuǵın bólegi boyınsha tiyisli qarjılardı Komitettiń Onda isbilermenlik subektlerine subsidiya ajıratıw ushın Ekonomika hám qarjı ministrligi tárepinen Komitetke belgilengen tártipte jeke ǵazna esap betleri ashıladı.Qarjılar ótkerilgennen keyin Komitet olardı úsh jumıs kúninde isbilermenlik subektleriniń olarǵa xızmet kórsetetuǵın kommerciyalıq banklerdegi esap betlerine ótkeredi. |