Nukus shahrida yangi mehmonxona ochildi

Nukus shahrida yangi mehmonxona ochildi

Qoraqalpog‘iston Respublikasi poytaxti Nukus shahrida “Jipek Joli Art” mehmonxonasining ochilish marosimi bo‘lib o‘tdi.

Tadbirda Qoraqalpog‘iston Respublikasi Vazirlar Kengashi raisi Farxod Ermanov, O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vaziri Aziz Abduxakimov, Turizm qo‘mitasi raisi Umid Shadiyev, shuningdek, ekologiya va turizm sohalarining hududiy rasmiy vakillari hamda faol tadbirkorlar ishtirok etdilar.

Mazkur zamonaviy mehmonxona 33 o‘rinli bo‘lib, barcha qulayliklarga ega. “Jipek Joli Art” ko‘p yillardan buyon faoliyat yuritib kelayotgan “AYIM TOUR” korxonasi tomonidan tashkil etilgan.

Mehmonxona kelgusida hududda turizmning barqaror rivoji yo‘lida munosib hissa qo‘shadi.