Nókis qalasında jańa miymanxana ashıldı.
Qaraqalpaqstan Respublikası paytaxtı Nókis qalasında "Jipek Jolı Art" miymanxanasınıń ashılıw máresimi bolıp ótti.
Ilajda Qaraqalpaqstan Respublikası Ministrler Keńesiniń Baslıǵı Farhod Ermanov, Ózbekstan Respublikası Ekologiya, qorshaǵan ortalıqtı qorǵaw hám klimat ózgeriwi ministri Aziz Abduxakimov, Turizm komitetiniń baslıǵı Umid Shadiev, sonday-aq, ekologiya hám turizm tarawlarınıń aymaqlıq rásmiy wákilleri hám belsendi isbilermenler qatnastı.
Bul zamanagóy miymanxana 33 orınǵa iye bolıp, barlıq qolaylıqlar jaratilǵan. "Jipek Jolı Art" kóp jıllardan berli jumıs alıp barıp atırǵan "AYIM TOUR" kárxanası tárepinen shólkemlestirilgen.
Miymanxana keleshekte aymaqta turizmniń turaqlı rawajlanıwına múnásip úles qosadı.
