Qubla Koreyanıń "Roundabout" baspası dóretiwshilik toparı Qaraqalpaqstanda!
Turizm komiteti tárepinen Ózbekstannıń turizm potencialın Koreya Respublikasında keńnen úgit-násiyatlaw maqsetinde "Roundabout" baspası dóretiwshilik toparınıń Qaraqalpaqstan Respublikasına saparı shólkemlestirildi.
Dóretiwshilik topar Aralboyında turistlerdi tartıw hám turmıstı janlandırıw maqsetinde Aral teńiziniń qurıǵan ultanındaǵı "Kemeler qábirstanı" turistlik obekti menen tanıstı. Moynaqtıń eń biyik tóbesinde simvolikalıq mániste Aral teńizine baǵıshlanǵan estelik stella ornatılǵan bolıp, áyne usı jerde Aral apatshılıǵınıń haqıyqıy kólemin bahalaw múmkin bolǵan baqlaw maydanshası shólkemlestirilgen.
Sonday-aq, Qubla Koreya ǴXQ wákilleri usı jerde jaylasqan "Aral teńizi tariyxı" muzeyiniń ekspoziciyası menen de tanıstı.