11 oyda O‘zbekistonga 7,3 milliondan ortiq xorijlik sayyoh keldi
Joriy yilning yanvar-noyabr oylarida 7,3 milliondan ortiq chet el fuqarolari turistik maqsadlarda O‘zbekiston Respublikasiga tashrif buyurgan.
Bu ko‘rsatkich o‘tgan yilning mos davri bilan solishtirilganda 1,15 mln nafarga yoki 18,8% ga oshgan.
Sayyohlar oqimining asosiy qismini Qirg‘iziston va Tojikiston fuqarolari tashkil etdi - har biridan 2,1 million kishi. Keyingi o‘rinlarda Qozog‘iston va Rossiya – mos ravishda 1,4 mln va 741,2 ming kishi bilan qayd etildi.
Bundan tashqari, top-10 talikka Turkmaniston (171,2 ming), Turkiya (108 ming), Xitoy (66,6 ming), Hindiston (63,4 ming), Janubiy Koreya (39,1 ming), Afg‘oniston (38 ming) va boshqa davlatlar (428,8 ming) kirdi.