11 ayda Ózbekstanǵa 7,3 millionnan aslam sırt elli turist keldi
Usı jıldıń yanvar-noyabr aylarında 7,3 millionnan aslam sırt el puqaraları turistlik maqsetlerde Ózbekstan Respublikasına kelgen.
Bul kórsetkish ótken jıldıń usı dáwiri menen salıstırǵanda 1,15 million adamǵa yamasa 18,8% ke kóbeygen.
Turistler aǵımınıń tiykarǵı bólegin Qırǵızstan hám Tájikstan puqaraları quraydı - hár birinen 2,1 million adam. Keyingi orınlarda Qazaqstan hám Rossiya - sáykes túrde 1,4 million hám 741,2 mıń adam menen dizimge alınģan.
Bunnan tısqarı, top 10liqqa Túrkmenstan (171,2 mıń), Túrkiya (108 mıń), Qıtay (66,6 mıń), Hindstan (63,4 mıń), Qubla Koreya (39,1 mıń), Awǵanstan (38 mıń) hám basqa da mámleketler (428,8 mıń) kirdi.