Qaraqalpaqstan Respublikası Ellikqala rayonında "27-sentyabr - Pútkil jer júzilik turizm kúni" múnásibeti menen "Ishki turizm yarmarkası" bolıp ótti.
Yarmarka Qaraqalpaqstan Respublikası Turizm basqarmasınıń baslaması menen aymaqlardıń turizm potencialın arttırıw, jergilikli sayaxatshılardı tartıw, turizm xızmetleriniń eksportın keńeytiw, jergilikli turistlik kompaniyalar arasında birge islesiw imkaniyatların jaratıw maqsetinde shólkemlestirildi.
Ishki turizm yarmarkasında jergilikli turoperatorlar, miymanxanalar, xosteller, miymanxanalar hám turizm tarawındaǵı basqa da ekspertler qatnastı.
Festival dawamında kórkem kórgizbe, milliy muzıkashılardıń koncerti, muzeylerdiń kóshpeli kórgizbeleri, ekoturizm prezentaciyaları bolıp ótti.Sonday-aq, ilaj dawamında qatnasıwshılarǵa turizm tarawına qosqan úlesi ushın minnetdarshılıq bildirilip, minnetdarshılıq xatları hám bahalı sawǵalar tapsırıldı.
