Xorijdan O‘zbekistonga sayyohlar oqimi ortib bormoqda
Joriy yilning yanvar-avgust oylarida jami 5040,5 ming nafar chet el fuqarolari turistik maqsadlarda O‘zbekistonga tashrif buyurgan.
Bu ko‘rsatkich o‘tgan yilning mos davri bilan solishtirilganda 721 ming nafarga yoki 16,7% ga oshgan.
Sayyohlik oqimining asosiy qismini Tojikiston va Qirg‘iziston fuqarolari – har biri 1,4 milliondan ortiq kishi bilan qayd etildi. Keyingi o‘rinlarda Qozog‘iston va Rossiya – mos ravishda 1022 ming va 535,1 ming kishi tashkil etgan.
Bundan tashqari, mamlakatimizga 102,9 ming nafar Turkmaniston, 72,9 ming nafar Turkiya, 42 ming nafar Xitoy, 39,1 ming nafar Hindiston, 28,2 ming nafar Janubiy Koreya, 25,2 ming nafar Italiya va 251,3 ming nafar boshqa davlatlar fuqarolari kelgan.