Sırt elden Ózbekstanǵa turistler aǵımı artıp barmaqta
Usı jıldıń yanvar-avgust aylarında jámi 5040,5 mıń sırt el puqaraları turistlik maqsetlerde Ózbekstanǵa kelgen.
Bul kórsetkish ótken jıldıń usı dáwiri menen salıstırǵanda 721 mıńǵa yamasa 16,7 procentke artqan.
Turistlik aǵımnıń tiykarǵı bólegin Tájikstan hám Qırǵızstan puqaraları - hár biri 1,4 millionnan aslam adam menen dizimge alındı. Keyingi orınlarda Qazaqstan hám Rossiya - sáykes túrde 1022 mıń hám 535,1 mıń adamdı quraģan.
Bunnan tısqarı, mámleketimizge 102,9 mıń Túrkmenstan, 72,9 mıń Túrkiya, 42 mıń Qıtay, 39,1 mıń Hindstan, 28,2 mıń Qubla Koreya, 25,2 mıń Italiya hám 251,3 mıń basqa mámleketlerdiń puqaraları kelgen.