Jańa "Milliy turizm brendi"ne logotip hám oǵan sáykes súren jaratıw arqalı Ózbekstan Respublikasınıń turizm ónimin xalıqaralıq hám ishki turizm bazarlarında úgit-násiyatlaw, sayaxat hám dem alıw ushın qáwipsiz mámleket sıpatındaǵı imidjin jáne de bekkemlewge qaratılǵan úgit-násiyatlawlardı jolǵa qoyıw maqsetinde xalıqaralıq hám de jergilikli marketing hám brending konsalting kompaniyaları ushın Turizm komiteti tárepinen tańlaw járiyalanadı.
Tańlawdıń sıylıq fondı 10 000 AQSh dolları esaplanadı.
Tańlawǵa usı jıldıń 25-sentyabrine shekemgi múddette tanlovbrend@uzbektourism.uz elektron mánzili arqalı arzalar qabıl etiledi.
Tańlawdıń wazıypaları:
"Milliy turizm brendi"ne baylanıslı jańa logotip hám oǵan sáykes súren jaratıw, sonday-aq, olarda aymaqlarda jaratılǵan jańa turizm baǵdarların, aymaqlardıń turizm ózgesheliklerin sáwlelendiriw;
Jańa turizm brendiniń maqsetli bazarlar (auditoriya) talaplarınan kelip shıǵıp, keyin ala sırt ellerde Ózbekstannıń tariyxıy, mádeniy, gastronomiyalıq, medicinalıq hám salamatlandırıw, arxeologiyalıq, ekologiyalıq hám ekstremal sıyaqlı turizm túrleri haqqında kontentler jaratıw.
tańlawda belsene qatnasqan logotip hám súren avtorların múnásip xoshametlew.
Arzalar hám qosımshalarda kórsetilgen maǵlıwmatlar 5 kúnge shekemgi múddette Tańlaw shólkemlestiriwshisi tárepinen usı Rejeniń qosımshaları menen tastıyıqlanǵan talaplarǵa muwapıqlıǵı úyreniledi.
Tańlawda bul tarawda keminde 5 jıl jumıs tájiriybesine iye bolǵan (tastıyıqlawshı hújjetlerdi usınıs etken halda) hám jergilikli hám sırt el kompaniyaları ushın brend jaratıw boyınsha tańlawlarda (tenderlerde) jeńimpaz bolǵanına ayrıqsha itibar qaratıladı.
Tańlawda qatnasıw ushın talabanlar tárepinen "Milliy turizm brendi"ne logotip hám súren jaratılıwı (3 tilde (ózbekshe, rus, inglis) awdarması menen) zárúr.
Ministrlik janındaǵı Turizm komiteti tańlawda qatnasatuǵın talabanlardan kelip túsken arzalardı kórip shıǵatuǵın hám barlıq shólkemlestiriwshilik máselelerdi muwapıqlastırıwshı bolıp esaplanadı hám zárúrlikten kelip shıǵıp, usı rejege tiyisli ózgerisler hám qosımshalar kirgiziw huqıqın ózinde saqlap qaladı, jáne de Tańlaw shártleri menen qaǵıydaların belgileydi.
Tańlaw shólkemlestiriwshi - Turizm komiteti janındaǵı "Milliy PR-markazi" DUK;
Tańlaw shólkemlestiriwshisi tárepinen tańlaw nátiyjeleri 2024-jıl 30-sentyabr kúni rásmiy saytlarda (www.uzbektourism.uz, www.uzbekistan.travel) hám Telegram, Instagram, Facebook sociallıq tarmaqlarındaǵı betlerinde járiyalanadı.
Texnikalıq talaplar hám maǵlıwmatlar menen tómendegi siltemede keltirilgen Reje arqalı tanısıwıńız múmkin: NIZOM.pdf