Respublika haqqında
Bul aymaqta insan neolit dáwirinen baslap jasap kiyatırǵanlıǵı sebepli qaraqalpaq xalqınıń mádeniyatı hám tariyxı oǵada bay.
Aymaq orayı - Nókis qalası bolıp, bul jerde xalıqaralıq aeroport xızmet kórsetpekte. Siz bul jerden Qaraqalpaqstannıń iri qalaları – Moynaqqa samoletda, al Qońırat, Beruniy, Tórtkúl hám basqa da orınlarǵa avtomobil transportında barıwıńız múmkin.
Qaraqalpaqstanǵa kelgeninizde siz 50 mıń avangard súwretlew óneri dóretpeleri orın alǵan hám "Shóldegi Luvr" dep atalǵan ápsanawiy Savickiy atındaǵı muzeyin kóriw, bir waqıtları qúdiretli imperiyalardıń quramına kirgen áyyemgi qorǵanlar menen tanısıw, Ámiwdárya deltası hám Ústirt platosınıń biybaha tábiyatı hám ósimligin tamasha etiw, Aral boyındaǵı qaraqalpaqlardıń otawlarında kóshpeliler sıyaqlı jasaw, neke yamasa bala tuwılıwı múnásibeti menen shólkemlestirilgen saltanatlarda qatnasıp, qaraqalpaqlardıń bay mádeniyatınan zawıqlanıw hám hár báhárde Sudoche kóline ushıp ketetuǵın qızıl flamingolardı súwretke alıw imkaniyatına iye bolasız.
Geografiya
Qaraqalpaqstan Ózbekstannıń arqa-batısında jaylasqan bolıp, respublikanıń eń úlken aymaǵı esaplanadı. Qaraqalpaqstannıń tiykargı bólegin Qızılqum shólı, Aral teńizi hám Ústirt platosı iyelegen.