Ózbekstan Respublikası Prezidentiniń 2023-jıl 26-apreldegi "Respublikamızdıń turizm potencialın jedel rawajlandırıw, jergilikli hám sırt elli turistlerdiń sanın bunnan bılay da arttırıw boyınsha qosımsha ilajlar haqqında"ǵı qararına muwapıq, sonday-aq, Ózbekstan Respublikası Ministrler Kabinetiniń 2022-jıl 28-sentyabrdegi "2022-2026-jıllarda Qaraqalpaqstan Respublikasınıń turizm potencialın rawajlandırıwǵa baylanıslı qosımsha ilajlar haqqında"ǵı qararına muwapıq, 2019-jıldan baslap Qaraqalpaqstan Respublikasınıń Moynaq rayonında dástúriy tárizde may ayınıń úshinshi on kúnliginde Aral teńiziniń qurǵaqlıq ultanındaǵı jolsız uchastkasında "Rally Muynak" ekstremal jarısı otiledi.
"Rally Muynak-2024" ilajlarınıń kúndizgi baǵdarlamasına sport avtomobilleri, baggi, motocikllerde ekstremal jarıslar hám gastronomiyalıq sheberlik sabaqları, keshkurın bolsa belgili dijeylerdiń atqarıwında elektron muzıka koncert baǵdarlamaları kirgizildi.
Bul jarıstı tek ǵana ózbekstanlılar emes, al Oraylıq Aziyanıń qońsı mámleketlerinen kelgen avtomotorsport háweskerleri de úlken qızıǵıwshılıq penen kútip atır. Usı jılı birinshi márte hár jılı ótkeriletuǵın xalıqaralıq ekstremal jarıslar 23-maydan 26-mayǵa shekem tórt kún dawam etti. Avtomobiller, turistler hám tamashagóyler ushın bay baǵdarlama islep shıǵıldı. Avtosport jarıslarında 135 avtosport sheberleri qatnasıp, 48 avtomobil, 25 sport mototsikl hám 11 "bagga"da bellesiw ótkerdi.
"Moynaq rallisi-2024" jarısınıń birinshi kúni sheńberinde sport avtomobilleri, baggi hám motocikllerdiń texnikalıq tayarlıǵı hám prezentaciyası ótkerildi.
Jarıstıń saltanatlı ashılıw máresimi tamasha ilajınıń ekinshi kúni baǵdarlamasına kirgizildi. Usı kúni Ózbekstannıń hár qıylı aymaqlarınan, sonday-aq, Qazaqstan hám Qırǵızstan Respublikasınan kelgen sport avtomobilleriniń aydawshıları "Moynaq-Aral teńizi-Moynaq" jónelisinen eki kategoriyada - "A-8" (dvigatel kólemi 1600 sm3 ge shekem) hám "A-9" (dvigatel kólemi 2000 sm3 ge shekem) sport avtomobillerinen start aldı. Ekstremal jónelis boyınsha jarıs trassasınıń ulıwma uzınlıǵı 450 km bolıp, oǵan 13 qadaǵalaw-ótkeriw punkti hám 10 joqarı tezliktegi uchastkalar kirgen.
Sol kúni motocross boyınsha arnawlı trassada 2-klass (dvigatel kólemi 125 sm3 hám 500 sm3) motociklshiler jarısı bolıp ótti.
Aral teńizi jaǵalıǵınan qaytıp kiyatırǵan avtomobillerdi saltanatlı kútip alıw, dvigatel kólemi 2000 sm3 bolǵan avtomobillerde "baggi" haydovchilarınıń jolǵa shıǵıwı hám jeńimpazlardı anıqlaw jarıstıń úshinshi kúniniń baǵdarlamasına kirgizildi.
"Rally Muynak-2024" avtomobil sport jarıslarınıń jeńimpazlarına saltanatlı máresimde ilaj shólkemlestiriwshilerinen sıylıqlar tapsırıldı.
Ilajdıń tiykarǵı maqseti aymaqta turizmdi rawajlandırıw, turistler aǵımın kóbeytiw, sport hám festival turizmin rawajlandırıw, hár qıylı avtomobil sport túrlerin ǵalaba en jaydırıw, jas áwladtı sporttıń texnikalıq hám ámeliy túrlerine tartıw, sonday-aq, Moynaq rayonında turizm hám xızmet kórsetiw tarawında jumıs alıp barıp atırǵan shólkemlerdi qollap-quwatlawdan ibarat.