Дыққат! Дағаза!!!

Қарақалпақстан Республикасы Туризм ҳәм мәдений мийрас министрлиги, Қарақалпақ гуманитар илимлер илим-изертлеў институты ҳәм Қарақалпақ мәмлекетлик университети тәрепинен 2022-жыл 29-30-сентябрь күнлери «Ҳәким ата (Сулайман Бақырғаний)ның 900 жыллығына бағышланған Халықаралық илимий-әмелий конференциясы» өткериледи.

Илимий-әмелий конференцияда төмендеги мәселелер додаланады:
- Ҳәким ата (Сулайман Бақырғаний) дәўириндеги түркий халықлардың мәдений мийрасы;
- Ҳәким ата (Сулайман Бақырғаний) ҳәм түркий халықлардың әдебий мийрасы;
- миллий қәдириятларды, өтмиштеги әдебий мийрасларымызды қайта тиклеў, бабаларымыздың бай мәдений-руўхый үрп-әдетлерин терең үйрениўге болған итибарды күшейттириў;
- туризм ҳәм мәдений мийрас объектлерин қорғаў, халыққа үгит-нәсиятлаў;
- елимизге сырт елли туристлерди тартыў, оларға дыққатқа ылайықлы орынларды көрсетиў, тарийхый объектлер, тарийхый орынлардың әҳмийетин түсиндириў;
- ҳәзирги глобалласыў ҳәм пүткил дүнья интеграциясы дәўиринде миллий мәдений мийраслардың әҳмийетин түсиндириў.
Усы мүнәсибет пененКонеренцияда өзиңиздиң илимий-изертлеў нәтийжелерге тийкарланған баянатларыңыз бенен қатнассаңыз болады!!!

Конференция талаплары
Конференция қарақалпақ, өзбек, рус, инглиз тиллеринде өткериледи.
Баянатлар илимий-изертлеў нәтийжелерине тийкарланған болыўы яки әмелий әхмийетке ийе болыўы керек. Конференция материаллары топламы баспадан шығарылады. Конференцияға берилген баянат 6 беттен аспаўы лазым. Бир автордан 1 баянат, биргеликтеги – 2 баянат қабыл етиледи. Баянат тексти А4 форматындағы қағазда, беттиң параметрлери: жоқарыда/төменде – 2,0 см, шепте – 3,0 см, оңда – 1,5 см, интервал – 1,5 болыўы шәрт. Текст Word редакторында Тimes New Roman шрифтинде 14 кегльде териледи. Текст темасы бас ҳәриплер менен ортада жазылады. Кейинги қатарда автордың аты, әкесиниң аты, фамилиясы, қала (ўәлаят), мәмлекет көрсетиледи.
Материалларды тапсырыў мүддети: 2022-жыл 15-сентябрь.
Талаплар бойынша таярланбаған, конферениця темасына туўры келмейтуғын мақалалар қабыл етилмейди. Конференцияға усынылып атырған материаллардың қағаз яки электрон нусқасы төмендеги мәнзилге жибериўге болады:
Мәнзил: 230101. Қарақалпақстан Республикасы, Нөкис қаласы, Амир Темур көшеси. 179 А жай
E-mail: xakimata@mail.ru 
Қосымша мағлыўмат: +998 97 787 55 84
Телеграм: @Madatbay2311

Қарақалпақстан Республикасы Туризм ҳәм мәдений мийрас министрлигиниң Мәлимлеме хызмети