Өзбекстан Республикасы Президентиниӊ “Уллы ойшыл ҳәм энциклопедист-алым Әбиў Райхан Беруний туўылғанының 1050 жыллығын халықаралық көлемде кеңнен белгилеў ҳаққында”ғы қарарый тастыйқланды.
Қарарда көрсетилиўинше, 2023-жылы уллы ойшыл ҳәм энциклопедист–алым Әбиў Райхан Беруний туўылғанының 1050 жыллығын ЮНЕСКОның қәўендерлигинде халықаралық көлемде кеңнен белгиленеди. Бул илаж ЮНЕСКО Бас конференциясыныӊ қарары менен 2022/2023-жылларда белгиленетуғын халықаралық юбилейлер дизимине киритилген болып, тийисли шет ел мәмлекетлери ҳәм халықаралық шөлкемлер, солар қатарында ЮНЕСКО менен биргеликте шөлкемлестириледи.
Буннан тысқары, қарарда Қарақалпақстан Республикасы Беруний районында 2023-жылдыӊ ақырына шекем Әбиў Райхан Беруний комплексин қурыў, комплекс аймағында илимий-ағартыўшылық, мәдений ҳәм дем алыў орынлары, соныӊ менен бирге туризм объектлери искерлигин иске түсириў белгиленген.