Ózbekstan-Rossiya ortasında turizm tarawında birge islesiw máselellerine arnalǵan prezentaciya ótkerildi

Tashkentte Ózbekstan Rossiya ortasındaǵı II-regionlararalıq birge islesiw forumı sheńberinde Ózbekstannıń turistlik potencialınıń prezentaciyası bolıp ótti. Prezentaciya “Dunyo boylab” telekanalınıń direktorı Nodir Tulaganov tárepinen ótkerildi. Atap ótiw kerek, bul telekanal Turizm hám sport ministrliginiń strategik sherigi bolıp tabıladı.

Ózbekstannıń turizm sektorı 2018-jıldan berli jedel ósiwdi kórsetti. Viza tártibi ańsatlastırılıp, elektron vizalar eńgizilgennen soń respublikaǵa shet elli sayaxatshılardıń keliwi sezilerli dárejede arttı. 2019-jılda mámleketimiz turizm sanaatı pútkil tariyxındaǵı eń joqarı kórsetkishke eristi – 6,7 million turistti qabıl etti. Jáhán turistlik shólkemi (UNWTO) maǵlıwmatlarına kóre, Ózbekstan turizm sanaatı eń jedel rawajlanıp atırǵan bes mámleket qatarınan orın aldı. 

2021-jıldıń 9 ayında Ózbekstanǵa 1,2 million shet elli turist keldi. Búgingi kúnde Ózbekstanda turizmniń ǵalaba-gastronomik, ekstremal, ziyarat, etnografik, biznes, awıl xojalıǵı, vinoshılıq hám basqa da túrleri jedel rawajlanbaqta. Mámleketimizde elede kóbirek jańa jónelisler, turistlerge xızmet kórsetiw orayları jaratılmaqta. 

 “Dunyo boylab” telekanalı direktorı Nodir Tulaganovtıń aytıwına qaraǵanda, mámleketge kelgen turistler arasında rossiyalılar kópshilikti quraydı. Rossiya turizm tarawında Ózbekstannıń tiykarǵı sheriklerinen biri bolıp esaplanadı. 2018-jıl Ózbekstanǵa 371 mıń rossiyalı puqaralar sayaxat etken. Bul ótken jıldıń aqırı menen salıstırǵanda 33,5 payızǵa kóbeygenin kórsetedi. 

“Rossiya puqaralarınıń Samarqand, Buxara, Xiva, Tashkent hám basqa qalalarına sayaxat qılıwǵa qızıǵıwshılıǵı úlken ekeniniń gúásı bolmaqtamız. Ózbekstanlılarda bolsa búgin tek ǵana Moskva-Sankt Peterburg emes, al “Altın sheńber” qalalarına da sayaxat etiw, Volga hám Arqa Kavkaz boylap sayaxat etiwge, Qara teńiz hámde Baykal kóli jaǵalarında dem alıwǵa qızıǵıwshılıq artıp barmaqta”.

“Dunyo boylab” telekanalı direktorı Nodir Tulaganov

Keltirilgen maǵlıwmatlarǵa qaraǵanda, 2017-jıldıń aprel ayında Ózbekstan hám Rossiya ortasında Turizm tarawında birge islesiw haqqındaǵı húkimetleraralıq pitim imzalanǵan bolıp, onıń sheńberinde ǴXQda úgit-ńásiyat etiw kompaniyaların ótkeriw, turizmdi rawajlandırıw boyınsha túrli qospa ilajlardı shólkemlestiriw, tarawdı rawajlandırıw hám turizm kárxanalarınıń wakilleri hám jurnalistler ushın ózara tanısıw sayaxatları, turizm tarawı jumısshıların tayarlaw hám ámeliyatlar shólkemlestiriw, ózara járdem kórsetiw hám basqalar boyınsha is-ilajlar  rejesi islep shıǵılǵan.

“2019-jıldıń mart ayında Ózbekstan delegaciyası Moskva qalasında bolıp ótken MITT xalıqaralıq turistlik kórgizbesinde qatnasqan edi, onıń sheńberinde eki mámlekettiń turistlik kárxanaları ortasında 200 ge jaqın  eki tárepleme ushrasıwlar ótkerildi hám Rossiyadan Ózbekstanǵa 2000 nan aslam turistti tartıw boyınsha ózara kelisiwlerge erisildi”. 

“Dunyo boylab” telekanalı direktorı Nodir Tulaganov

Sonıń menen bir qatarda, Rossiya Federaciyasınıń kásiplik awqamları hám turistlik kárxanaları menen miynet dem alısı waqtında Ózbekstanǵa turistlerdi qızıqtırıw boyınsha sheriklikti jolǵa qoyıw isleri alıp barıldı. Mámleketler arasında arnawlı turistlik poezdler qatnawın jolǵa qoyıw, zıyarat obektlerine sayaxat baǵdarlamaların keńeytiw, turizm tarawında Ózbekstan-Rossiya investiciyalıq sheriklikti rawajlandırıw h.t.b.

2019-jıl iyul ayında tarixıy Samarqand qalasında ǴMDAna aǵza mámleketler Turizm keńesiniń ushrasıwı bolıp ótti. Ushrasıw sheńberinde birinshi ǴMDAnıń turizm yarmarkası bolıp ótti. Yarmarkada Rossiya turistlik kárxanaları belsene qatnastı. 2019-jıldıń noyabr ayında bolsa Tashkent turistlik yarmarkası sheńberinde Ózbekstan hám Rossiya ortasında birinshi turistlik forumı bolıp ótti.

Esabatqa qore, Ózbekstan Respublikası Turistik administraciyası Rossiya Turoperatorları Associaciyası ushın (ATOR) tiykarǵı sherik ataǵına yie boldı. Jańa alyans eki mámleket ortasındaǵı turistlik biznes sheriklikti bekkemlew hám bunday sheriklik rossiyalı turistlerge Ózbekstandı hár tárepleme jaqsı biliw, Rossiya turistlik biznesine bolsa úlken potencialǵa iye turizm bazarın jaratıw imkaniyatın beredi.

2021-jıldıń báhárinde ózara turistler aǵımın asırıw máksetinde Respublika Turistlik administraciyasi, Xalıqaralıq Islam akademiyası hám Ózbekstan Aspazlar associaciyasi delegaciyaları Rossiyanıń bir qatar qalalarında boldı. Olar Daǵıstan, Chechenstan, Tatarstan, Moskva hám Sankt-Peterburgda boldı. Daǵıstanda Ózbekstannıń “Imamlar jurtına sayaxat” joybarınıń prezentaciyasi bolıp ótti.  B2B formatındaǵı ushrasıwlar barısında eki mámlekettiń turizm tarawı wákilleri ózara mápli sherikliktiń bárshe jańa táreplerin dodalaw arqalı dem alıs industriyasın krizisten tezirek shıǵarıw ushın sheriklik imkaniyatına iye boldı.    

Usı jıldıń avgust ayında Tatarstan Respublikası Turizm mámleketlik komiteti baslıǵı Sergey Ivanov Ózbekstanǵa ámeliy saparı menen keldi. Tatarstan delegaciyası Ózbekstanda jaratılǵan turistlik policiyası, sonıń menen birge, turistlik awıllar hám máhalleler iskerligi tájriybesine qızıǵıwshılıq bildirdi.

Sapar sheńberinde Ózbekstanda turizm tarawı ushın kadrlar tayarlaw sisteması, bir qatar shet ell mámleketlerı, atap aytqanda, Rossiya wákilleri bilim alıp atırǵan “Jipek jolı” xalıqaralıq turizm universitetiniń iskerligi dodalandı.

2021-jılı “Jipek Jolı” xalıqaralıq turizm universiteti hám Don mámleketlik texnika universiteti ortasında strategik sheriklik shártnaması dúzildi. Rostov-Don hám Samarqandda turizm, mádeniyat hámde sport tarawların rawajlandırıw boyınsha Ózbekstan-Rossiya wákillik orayların ashıw rejelestirilmekte. Bunday strkuturanıń dúziliwi álbette Rossiya-Ózbekstan qatnasıqların bekemlewde xızmet etedi.

Ózbekstan Respublikası Turizm hám sport ministrliginiń Málimleme xızmeti