Eres qala

Eres qala Tórtkúl qalasınıń túslik-shıǵısında, onnan 12 km qashıqlıqta jaylasqan. Házir bul – óz waqtında qala hám qorǵanlardan ibarat kompleksti quraǵan qalanıń qarabaxanaları. Erte zamanlarda Eres qaladan Ańqa qala qorǵanı hám Bazar qala arqalı áyyemgi Kelteminar sistemasınıń magistral suwǵarıw kanalı ótken, onıń tómengi tárepinde bolsa – usı Eres qala jaylasqan. Ol 360×220 m maydanǵa iye nadurıs ellips tárizli planda bolıp, bul jerde oraylıq háwlisi bar (kórinisine qaraǵanda, húkimdardıń úyi) qorǵan jaylasqan.

Estelikten shıqqan keramikalıq tabılmalar qorǵandı b.e. III–V áá. tiyisli, dep belgilewge múmkinshilik beredi, al Xorezmniń Qangqa mádeniyatına (b.e.sh. IV á. – b.e. I á. basları) tiyisli kóp sandaǵı tabılmalar qala Antik dáwirinde payda bolǵan, biraq tap V–VI ásirlerge shekem onda adamlar jasaǵan, dep boljawǵa imkaniyat beredi.