Ózbekstanda aymaqlıq xalıqaralıq aeroportlarına eń jaqsı at beriw tańlawı daǵaza etiledi.

Ózbekstan Respublikası Turizmdi rawajlandırıw mámleketlik komiteti, Transport Ministrligi hám "Ózbekstan aeroportları" AJ aymaqlıq xalıqaralıq aeroportlarımızǵa eń jaqsı at beriwge tiyisli tańlaw daǵaza etedi.

Tańlawdıń maqseti Ózbekstan aymaqlıq xalıqaralıq aeroportlarına eń jaqsı at tabıw procesine keń jámiyetshillikti tartıwǵa jóneltirilgen. Tashkent qalası I. Karimov atlı hám Andijan qalası Zahiriddin Muhammad Bobur atlı aeroportlar bunnan tısqarı.

Usı tańlawda qatnasıwshınıń puqaralıǵına qaramastan, 16 jastan asqanlar, atap aytqanda, studentler, dóretiwshiler, ilimpazlar, tariyxshılar hám turizmdi rawajlandırıw qálewinde bolǵan barlıq adamlar qatnasa aladı.

Tańlawda qatnasıw shártleri:

  • Tańlaw tártibi hám shártleri menen tómendegi saytlar arqalı tanısıw múmkin:  https://uzbektourism.uzhttps://mintrans.uzhttps://uzbairports.uz;
  • Attıń kem ushraytuǵın nusqasın oylap tabıw jáne onıń áhmiyetine túsindirme beriw;
  • Hár bir at joybarın (ózbek, orıs hám inglis tillerinde) pikir xarakteristikası menen tańlaw @uzbektourism. uz elektron mánziline jiberiwi kerek;
  • Tańlaw daǵaza etilgen kúnnen eki ay ótkennen, ministrlikler, keńseler hám jámiyetshillik wákilleri hám belgili tariyxshılardan ibarat Komissiya kelip túsken usınıslar arasından hár bir aeroport ushın 5 ten joybar tańlap aladı. Usı proektler eki ay múddetke onlayn dawıs beriw ushın https://uzbektourism. uz veb-saytına jaylastırıladı.

Onlayn dawıs beriw nátiyjeleri boyınsha jeńimpazlar Ózbekstan Respublikası Turizmdi rawajlandırıw mámleketlik komiteti, Transport ministrligi hám "Ózbekstan aeroportları" AJ niń rásmiy saytlarında daǵaza etiledi.

Komissiya eń jaqsı joybarlardı tańlawda tómendegi kriteryalarǵa qaraladı:

  • attıń ayriqshalıǵı hám ózine tartatuǵınlıǵı;
  • attıń aeroport jaylasqan aymaqlar potencialı (tariyxıy, materiallıq, tábiyiy hám basqalar) menen uyqaslasıwı;
  • avtordıń etika hám til mádeniyatına ámel qılıwı (qorlawlaytuǵın yamasa kewilge tiyiwshi sózler bolmaytuǵın hám usı at unamsız sezimler oyatpawı kerek).
  • universallıq hám ıqshamlıq.

Usınıslar tek onlayn tárzde qabıl etiledi. Joybarlar qatnasıwshınıń jeke maǵlıwmatları (tolıq atı, jası, jumıs ornı, jasaw ornı, telefon nomeri), aeroport atları boyınsha usınısı, sonıń menen birge pikir xarakteristikası hám aymaq ushın áhmiyeti haqqındaǵı túsindirme menen birge usınıs etiledi. Tańlaw ushın berilgen usınıslar (atlar, onıń variantları hám túsinikler) avtorlarǵa qaytarılmaydı.

Materiallar tańlaw@uzbektourism. uz elektron mánziline jiberilip atırǵanda “tema ” ústinine “Aeroport atı” dep jazıw kerek.

Tańlawda qatnasıw, jeńimpaz bolǵan táǵdirde, usınıs etilgen at variantın qóllawǵa tiyisli tolıq huqıqtı tańlaw qatnasıwshılarına avtomatik túrde usınıwdı názerde tutadı.

Tańlaw ushın materiallar 2020 jıldıń 20 avgustınan 20 oktyabrine shekem qabıl etiledi.