“Turizm fidoyisi” kókirek nıshanın beriw tártibi tastıyıqlandı.

Endi Ózbekstan Respublikasında turizm salasın rawajlandırıwǵa hám ǵalabalastırıwǵa múnásip úles qosqan mámleketlik shólkemleri xızmetkerleri, jámiyetlik shólkemleri, isbilermenlik subyektleri, sociallıq tarawdıń hám ǵalaba xabar quralları wákilleri hám sırt eldegi watanlaslar xızmetlerin hám aktiv úgit jumısları ushın kókirek nıshanı menen sıylıqlanadı.

Kókirek nıshanı menen sıylaw ushın hújjetlerdi usınıw hám kórip shıǵıw tártibi tómendegishe belgilendi:

- jergilikli dárejedegi mámleketlik shólkemleri, jámiyetlik shólkemleri, ǵalaba xabar quralları hám isbilermenlik subyektleri hár jılı 1-avgustqa shekem óz xızmetkerlerin kókirek nıshanı menen sıylaw boyınsha usınıslardı tiyislishe Turizmni rawajlandırıwdıń mámleketlik komitetiniń aymaqlıq bólimlerine usınıs etedi;

- Respublika dárejesindegi mámleketlik shólkemleri, shet eldegi diplomatik wákilxanalar, jámiyetlik shólkemleri, ǵalaba xabar quralları hám shólkemler hár jılı 1-avgustqa shekem óz xızmetkerlerin kókirek nıshanı menen sıylaw boyınsha usınıslardı Komitetke usınıs etedi.

Bunda talaban boyınsha usınıs etilgen usınıslarǵa qosımsha retinde talabanniń obyektivka-málimlemesi hám sońǵı úsh jıl dawamında ol tárepinen turizm salasın rawajlandırıw boyınsha ámelge asırılǵan jumıslar usınıs etiledi.

Komitet baslıǵı tárepinen kókirek nıshanı menen sıylawǵa tiyisli usınıslardı kórip shıǵıw boyınsha Komissiya shólkemlestiriledi. Komissiya jıynalısında talabanlarǵa tiyisli hújjetler úyrenilinip, hár jıldıń 15-sentyabrine shekem eń múnásip talabanlar boyınsha juwmaqlawshı juwmaq shiǵarıladı.

Komissiya juwmaǵı tiykarında Komitet baslıǵınıń kókirek nıshanı menen sıylaw tuwrısındaǵı buyrıǵı hár jılı 20-sentyabrge shekem usınıs etiledi.

Kókirek nıshanı “Pútkil dunya turizm kúni” - 27 sentyabrde Turizmdi rawajlandırıw mámleketlik komiteti baslıǵı yamasa onıń atınan jáne onıń tapsırmasına kóre basqa juwapker shaxslar tárepinen saltanatlı túrde tapsırıladı.

“Turizm fidoyisi” kókirek nıshanı menen sıylıqlanǵanlar dizimi Komitettiń rásmiy hám tarawlı veb-saytlarında hám taǵı basqa ǵalaba xabar qurallarında daǵaza etiledi.

Kókirek nıshanı menen sıylıqlanǵan shaxslar bazalıq esaplaw muǵdarınń on esesi muǵdarında bir márte tolıqnatuǵın pul sıylıǵı aladı. Bir shaxs kókirek nıshanı menen bir ret táǵdirlenedi.