Nókiske "Elektrooko" pop-rok muzıkalıq toparı keledi.

Ózbekstan Respublikası Turizmdi rawalandırıw mámleketlik komiteti Jaslar isleri agentligi hámde Mádeniyat Ministirligi menen birgelikte jańa joybar jolǵa qoymaqta. Dekabr ayında Ferǵana, Samarqand, Buxara, Nókis hám Tashkent teatrları jaslarǵa toladı. Tashkent qalasınıń pop-rok jónelisinde dóretiwshilik etiwshi “Elektrooko” toparı 1-13 dekabr kúnleri Ózbekstan  qalaları boylap turı sheńberinde muzıkalı shıǵıwlar hám tálimge tiyisli bayanlama shólkemlestiredi.

“Back To The Theater” turınıń maqseti - sapalı hámde janlı muzıkalıq jarqın shıǵıslar arqalı jaslardı mámleket teatrlarına qaytarıw, sonıń menen birge ishki turizmdi rawajlandırıw. Topar mámleket boylap brendlanǵan mikroavtobusta háreketlenedi, hár kúni sayaxat haqqında “Youtube”da realiti-show kórinisindegi videosı menen bólisedi.

Muzıkalıq topar jetekshileri Ashot Danielyan hám Nikita Makarenko hár bir qalada tálim bayanlamaları, zamanagóy muzıkanı jaratıw jáne onı úgit nasıyat qılıw sırları haqqında sóz júrgizedi.

“Biz aymaqlardaǵı pandemiya dáwirinde toqtap qalǵan materiallıq turmıstı azmaz bolsa da janlandırıwǵa qarar ettik. Biz jaslarǵa jańa hám ózgeshe shıǵıslarımızdı kórsetip, óz qolımız benen adamlar qálbine jıllılıq úlesiw. Bul júdá zárúrli. Jaslıǵımda ózim de sonday koncertke barǵanman jáne bul meniń turmısımdı ózgertken. Biz óz mısalımızda Ózbekstanda aktual muzıka jaratıw múmkinligin kórsetip bermekshimiz”,- dedi “Elektrooko” toparı prodyuseri hám gitaristi, belgili jurnalist Nikita Makarenko.

Barlıq ilajlar epidemiologik talaplarǵa muwapıq, tamashagóylerdi social aralıq saqlaǵan halda jaylastırıp ótkeriledi. Bilet baxası 15 mıń sumdı quraydı, qárejetlerdiń barlıǵı aymaqlardaǵı teatrlardıń ózinde olardıń iskerligin qollap-quwatlaw ushın qaldırıladı.

Bunnan tısqarı, muzıkalıq topar Ózbekstannıń júdá belgili bolmaǵan turistlik mákanlarında janlı muzıka hawazın taratıp, tur dawamında óziniń jańa qosıqlarına tórt kishi klip kórsetip beredi.

“Mámleketimizdegi muzıkashılar aymaqlar boylap avtobusta turlarǵa barmaydı. Biraq men naǵız usınday formattaǵı, kinolarda kórgenimdey tur shólkemlestiriw haqqında árman etkenmen. Men Ózbekstannıń gózzal mákanları hám Ferǵana, Samarqand, Buxara hámde Nókistegi bir-birinen ájayıp adamlar menen ushırasıwdı kútip atırman”,- dedi topar qosıqları avtorı, vokalist hám gitarist Ashot Danielyan.

Topardıń háreketleniwi hám jaylasıw mánzilleri hámde ilajlardıń baslanıw waqtın Electrooko. com saytı hám de onıń YouTube, Telegram, Facebook hám Instagram betlerinen baqlawıńız múmkin.

“Back To The Theater” turı sonıń menen birge Ózbekstannıń Shveycariyadaǵı elshixanasınıń Shveycariya sheriklik byurosı, sonıń menen birge “KNAUF”, “Makro”, “YAMAHA Tashkent” hám “IOSIS” kompaniyaları tárepinen qollap-quwatlanıp atır.

Media-qáwenderler - Repost.uz, Teznews.uz, TBLD.uz hám Troll.uz.

Tur kestesi:

2 dekabr (saat 17:00). Ferǵana wálayatı rus drama teatrı. Kassa nomeri: +998 90 537 82 37

5 dekabr (saat 18:00). Samarqand wálayatı rus drama teatrı. Kassa nomeri:  +998 90 600 17 26

8 dekabr (saat 17:00). Buxara wálayatı muzıka-drama teatrı. Kassa nomeri: +9998 93 689 13 13

11 dekabr (saat 18:00). Berdaq atındaǵı Qaraqalpaq mámleketlik akademiyalıq  muzıkalı teatrı. Kassa nomeri: +998 91 384 70 69

13 dekabr (saat 18:00). Ózbekstan mámleketlik jas tamashagóyler teatrı. Kassa nomeri: +99871 2441087