Jańa zamanagóy "Silk Road Family Resort" dem alıw ornı ashılmaqta.

16 avgust kúni Buxaralı aktiv isbilermenler tárepinen Nawayı wálayatı, Qızıltepa rayonı aymaǵinda jaylasqan Todakól suw bazasın eń sońǵı zaman talaplarına say túrde jańa dem alıw ornına aylantırılǵan "Silk Road Family Resort" sayaxatshılıq plyaj zonasınıń rásmiy ashılıw dástúri ótkeriledi. Ashılıw dástúri Turizmni rawajlandırıwdıń mámleketlik komitetiniń Buxara wálayat departamenti hámde Nawayı wálayat basqarması qáwenderliginde dúzilip atır.

Atap ótiw kerek, Bas ministr orınbasarı, Ózbekstan Respublikası Turizmdi rawajlandırıw mámleketlik komiteti baslıǵı Áziz Abduhakimov jaqında Buxara wálayatına saparı dawamında jergilikli kishi juwapker qatnasıwında qatar sayaxatshılıq obyektleri sıyaqlı usı dem alıw mákanında da bolıp, alıp barılıp atırǵan jumıslar menen jaqınnan tanısqan hám zárúr usınıslardı bergen edi. 

Jáhán talaplarına juwap beretuǵın usı dem alıw mákanı proektine kóre, alıp barılǵan qurılıs processleri juwmaǵında jaǵa boyında júzege kelip atırǵan plyaj dem alıw salamatlandırıw mákanı hám akvaparktıń ulıwma kólemi 6 mln dollardı quraydı.

Sonıń menen birge, usı sayaxatshılıq ob'ekti plyaj, basseyn, akvapark, kishi «Disneyland», 50 orınǵa mólsherlengen mıymanxana, dem alıw tapshanları, restoran, jazǵı terassa, SPA-salon, tábiyat qoynındaǵı oyın ornı, medicina múyeshi, salamatlandırıw mákanı, sport maydanı, avtomobil maydanshası hám arnawlı suw kólikleri sıyaqlı hár qıylı qosımsha xızmetlerdi de óz ishine aladı. Ashıq aspan astında ótkeriletuǵın bir-birinen qızıqlı koncert hám shou programmaları qonaqlardıń qızıqlı dem alıwı ushın xızmet etedi.