Qorǵansha (Dáwlet Gerey)

Qorǵansha arxeologiyalıq kompleksi (XII á. – XIII á. basları) Moynaq qalasınan arqa-batısqa qaray 105 km qashıqlıqta, Ústirt chinkiniń tómeninde jaylasqan bolıp, qala, qarawıl tóbe, qumbız pechi hám de ayırım qurılıslardan ibarat.

Bul qala XIX ásirdiń tariyxıy ádebiyatlarında bir neshshe ret tilge alınadı. Tuwrımúyeshlik joybarındaǵı bul estelik dúnyanıń táreplerine baǵıtlanǵan. Shıǵıs diywalı hám de arqa diywaldıń shıǵıs tárepi boylap bólmeler bolǵan. Olardıń birinde kók shiysheden islengen monshaqlar hám sabaq ótkeriw ushın tesikleri bar baqanshaqlar tawılǵan. Qala batısqa qaray baǵdarlanǵan sawda faktoriyasınıń qaldıqları bolıp, bul jerde xorezmlilerdiń arqadan kelip turǵan kóshpeliler menen sawda almasıǵı júzege asırılǵan. Izertlewlerge qaraǵanda, bul jer ekilemshi ret XIII–XIV ásirlerde paydalanılǵan.